- كل جنيه بيدفعوا المصريين من ضرائبهم بيروح منه 91 قرش لسداد فوائد سنوات الاقتراض الماضية، وتضخم الدين الحكومي بفعل الإنفاق على "المشروعات القومية"، وسنوات من السياسات الاقتصادية اللي بتستسهل تخفيض سعر الصرف كحل للأزمة الاقتصادية.
- ده رقم شديد الضخامة، في الموازنة القادمة 1834 مليار هتروح لسداد فوائد الديون المحلية، من إجمالي الحصيلة الضريبية تساوي 2022 مليار جنيه تقريبا، ما يعني أنه الفوائد بتمثل 91% تقريبا من إجمالي حصيلة الضرائب في مصر.
- دي الفوائد لوحدها، لو ضفنا سداد القروض اللي هو أصل الدين واللي بيقدر بـ 1606 مليار جنيه يصبح إجمالي سداد الفوائد والقروض حوالي 3.4 تريليون جنيه، يعني ما يقارب 168% من إجمالي الضرائب.
كيف جرى تكبيل مصر واستعبادها؟
21-03-2024
أين يذهب ذهب المصريين؟
22-06-2023
- الفارق بين الضرائب ومخصصات الديون ده بيتم تعويضه من خلال الاقتراض مرة أخرى عشان نسد القروض والفوائد المتراكمة بدون أي أفق للخروج من الدائرة المفرغة من الاقتراض وإعادة الاقتراض لتسديد القروض.
- دي حصيلة سنوات من السياسات الاقتصادية الخاطئة اللي للأسف هنستمر في دفع ثمنها لأجيال من خلال تخفيضات لسعر الصرف وارتفاع للتضخم وتأثيرات مختلفة على مستوى معيشة المواطن المصري.
- دي مش مجرد أرقام، كل رقم من دول بيقولنا المواطن بيعاني قد إيه في الوقت اللي الحكومة فيه مكملة في نفس مسار السياسات الاقتصادية.
