الأمن بياخد محاصيل الرزّ!

مساء مش سعيد خالص.. ناس كتير تعرف إن عيلتنا تجار محاصيل زراعية زيّ الرز.. من ساعتين كان فيه عربية تبعنا بتستلم بضاعة (نقلة رز) من تاجر من اللي بنتعامل معاهم، قامت قوة أمنية دخلت عليهم وأخدوا السوّاق والشيّالين والعربية والبضاعة اللي في المخازن. حالاً الأمن اقتحم البيت عندنا وخدوا بضاعة بردوا من المخزن! رغم أن البضاعة كلها ليها فواتير استلام امبارح وأوّل امبارح يعني مفيش أي تخزين لمدة طويلة أو تعطيش للسوق. النهاردة الأمن عمل كده في أكتر من مكان ومع أكتر من تاجر لدرجة أن التجار قفلوا محلاتهم ونقلوا البضاعة من المخازن وفيه مضارب رز كبيرة قفلت وتجار صفّوا تجارتهم خالص خوفاً على ممتلكاتهم، وبعدها بكام ساعة بتنزل عربيات الجيش تبيع رز وسكر في نفس الأماكن!! اللي بيحصل دلوقتي سرقة للمتلكات الشخصية وبشكل علني! الأزمة مش هتأثّر عالتجار لوحدهم، واللي كلهم النهارده بيصفّوا تجاراتهم علشان ما يجيش يتّاخد منهم كل راسمالهم عافية (دي هتأثر على السوق كلّه وأوّلهم المستهلك اللي زي حالاتك بعد ما الجيش يفضّي السوق من البضاعة وما يتبقاش غير بضاعتهم اللي مستحيل تغطي احتياجات السوق فالسعر يعلي بشكل خرافي .أتمنى يكون فيه صوت عاقل يفهم الكلام ده.. كلنا خسرانين.

من صفحة Nour Khalil (عن فايسبوك)