#أوقفوا_الإختفاء_القسري في مصر

7 آذار/ مارس 2014: مكالمة تلفون أتبلغ بيها أن خطيبي اعتقلوه من البيت وقبلها بربع ساعة كان قافل معايا وكان جايّلى في الطريق.. اختفى يومين، من يوم الجمعة ليوم الأحد، ليظهر في محكمة طنطا، وإترحّل لسجن قطور المركزي ومنه لسجن طنطا العمومي.. تجديدات واستئنافات بتترفض وإضراب..
يوم 19 تشرين الثاني/ نوفمبر أخلي سبيله بكفالة 10 آلاف جنيه، ومن قسم أول وإجراءات الخروج وبعدها اختفى 10 أيام ليظهر تاني في سجن قطور بتهم وقضايا جديدة وضبط وإحضار وقيل إنه اتقبض عليه من البيت مع أنه كان عندهم في معسكر الأمن المركزي.. ثمّ تجديد واستئناف ليخلى سبيله للمرة الثانية يوم 14 كانون الأول/ ديسمبر 2014.
14 حزيران/ يوليو بعد زواجنا بـ45 يوماً، تحت كوبري الأستاد في طنطا نفاجَأ بكمين علينا أنا وعلي، ويتمّ القبض عليه مرة أخرى وكنا في آخر أيام رمضان.. اختفاء قسري جديد لـ3 أيام، وخرج أول أيام العيد.
27 حزيران/ يونيو 2016 بعد ما ودّعته في القاهرة وهو مسافر الإمارات واستنّيت لما الطيارة طلعت وعلى أمل يتصل بيا أول ما يوصل دبي. الصبح ما فيش اتصال ولا أي خبر عنه.. بعدها أعرف أنه اتقبض عليه وهو بيخلّص الورق في المطار (...) معرفش عنه أيّ خبر ولا معلومة لغاية دلوقتي.
#اوقفوا_الاختفاء_القسري
#علي_الفقي_فين

من صفحة Samka Baharya (عن فايسبوك)