طيب من الواضح انو الشاباك الإسرائيلي صاير يعتقل بتهمة التحريض على الفايسبوك!
ليش هيك يختي يا اسرائيل؟! انتو فاهمين شو بتعملوا؟! طب عندكم سجون كفاية؟! ما احنا كلنا بـ"نتفشش" على الفايسبوك؟! لشو تصغير العقل؟! مش أحسن ما نشتغل فيكم بالحقيقة! انو متلاً اذا أخدوني شو بده يقولي المحقق؟ ليش عامل لايك لصفحة الشعبية؟ ولا ليش عامل "شير" لستاتس ابو عبيدة؟ (...)
يا أخي يا كابتن اعملي ريبورت بس مش تحبسني ! بعدين لما كانوا يحبسونا ع مظاهرة الواحد كان يستحي من المعتقلين لما يسألوه على تهمته! هلأ شو بدنا نقول؟ على شو حبسوك يا رفيق؟ فايسبوك، والله أقسم بالله الشباب بزتونا ع قسم الجنائي! انت متخيل كيف ممكن تصير السجون؟ بتقلب مسخرة يختي يا اسرائيل! انتو احتلال عريق وإلكم سمعتكم بين الاحتلالات، عيب هالحكي الله يرضى عليكم.
انو تخيل بعد سنة بس تمتلئ السجون بمعتقلي الفايسبوك، بصير هيك الحوار:
- شو قصتك انشا لله بسيطة؟
- لا والله أنا مطول هون! محسوبك ادمن صفحة! وانت؟
- الله يفك أسرك يا بطل! والله أنا مش مبين لهلأ! عملت poke لأفيخاي أدرعي، مش عارف بدهم يعتبروها محاولة اغتيال وإلا تحرش جنسي! هيانا بنستنا المحامي نشوف شو بخلص معهم!!
#بدنا_سجون_مع_واي_فاي #شو_باسووردك_اعترف_اعترررف
من صفحة Alaa abu diab على فايسبوك