مرام محمد (عن قضية عمر محمد): "مش عايزة أتخيل أن موضوع عمر هيقف عند عياطنا واكتئابنا وكام بوست على فايسبوك.. عمر اتحكم عليه بمؤبد، مؤبد يا ناس! (...) كل ده عشان راح في يوم يتعشى مع واحد صاحبه اللي لسه متعرّف عليه من شهرين وطلع متراقب وهما ما يعرفوش، وجم يقبضوا عليه أخدوا عمر في سكّتهم كده بالمرّة كأنه استخسار..
يعني الواد مكبّر دماغه من أي حاجة ليها علاقة بالبلد ومالهوش أي علاقة بالسياسة ولا بيفكر ولا بيتكلم فيها، خصوصاً من بعد ما والده اتوفى، لإنه من ساعتها وهو مقرر يمشي جوا الحيط، لإنه الولد الوحيد وراجل البيت دلوقتي، وما ينفعش يجازف بأي حاجة عشان خاطر مامته واخواته الصغيرين اللي مالهومش غيرُه، واللّي معتمدين على وجوده نفسياً أكتر من أي حاجة (...)
أسبوعين مختفي وبيتعذب وبيطلع ميتين أهله، ولما لقيناه واتحوّل تحقيق، وكيل النيابة قاله: هتطلع، انت مش عليك حاجة وعارفين إنك جاي غلط (...)
وفي البلد دي أنا عارفة.. الموضوع هيعدّي، هيبقى واحد في وسط ناس كتير مظلومين، وخلاص.
حسبي الله ونعم الوكيل..
عن صفحة Khaled Fahmy (عن فايسبوك)
