"التصوير وعلاقتي به كشخص كفيف"

من فترة لما بدأت أعتبر التصوير هواية عندي، لقيت السؤال بيطاردني على الخاص أو تعليقات على العام سواء هنا أو على الشبكات الاجتماعية الأخرى. هحاول أشرح الموضوع دا جه إزاي وإزاي بصوّر.. ببساطة شديدة بستخدم هاتفي في التصوير. الحاجة اللي حاسسها بصورها زي ما هي وزي ما تطلع بشاركها على الشبكات الإجتماعية. يعني فين الإجابة؟ ببساطة أكتر الشمس في أوقات النهار المختلفة هي والقمر بالليل عارف
2016-03-23

شارك

من فترة لما بدأت أعتبر التصوير هواية عندي، لقيت السؤال بيطاردني على الخاص أو تعليقات على العام سواء هنا أو على الشبكات الاجتماعية الأخرى. هحاول أشرح الموضوع دا جه إزاي وإزاي بصوّر..
ببساطة شديدة بستخدم هاتفي في التصوير. الحاجة اللي حاسسها بصورها زي ما هي وزي ما تطلع بشاركها على الشبكات الإجتماعية.
يعني فين الإجابة؟ ببساطة أكتر الشمس في أوقات النهار المختلفة هي والقمر بالليل عارف أماكنهم فين بالضبط ودا مع التعود وسؤال اللي بيمشوا زمان معايا لأني كنت شخص فضولي جداً وما زلت، وبحب أسأل كتير اللي بيبقوا بيتمشوا معايا عن طبيعة المكان إيه هنا...
إيه اللي بستفيده من التصوير؟ التصوير عندي متعة خاصة وهي إني أنقل اللي حاسس بيه صورة للغير يشوفها حلوة أو وحشة، أنا لسّه بتعلم وحفضل أتعلم وأتمنى أني أقدر أحافظ على الهواية دي وما تندثر مني زي ما هوايات كتير في حياتي اندثرت إما لسخافة بعض البشر أو عشان أحافظ على شوية احترام لنفسي.
شكرا لكل اللي شجعوني وعلموني إزاي أكمل هوايتي دي.

من صفحة محمد أبو طالب (عن فايسبوك)


وسوم: العدد 185