تاني عشان الناس مصرّة تفهمني غلط: كلامي مش دعوة للنزول أو العكس. في الحتة دي ما عنديش رأي. احتمال اليوم يبقى مالوش لازمة، غالباً هانزل عشان أريّح ضميري وخلاص.
بس فيه كلام عمال بيتشيّر من نوعية "ده نظام وهمي ما يستاهلش نثور عليه، وهقول إيه لولادي، كنت نازل أسقط توفيق عكاشة؟"
الكلام ده في رأيي مستفز جداً.
النظام مش وهمي، النظام حقيقي:
شيماء الصباغ حقيقية، أسماء البلتاجي حقيقية، طلعت شبيب حقيقي، التعذيب حقيقي، المجانين اللي بقوا يشيلوا سلاح حقيقيين، داعش بتجند جوّا السجون دي حقيقة. حقيقة مخيفة والدولة سامحة بيها وبتهيّئ المناخ المناسب لها.
آه بنسفّ من غُلبنا، بس متوصلش إننا نصدق إن الواقع كوميدي.
الواقع مرعب، ويستاهل ألف ثورة. حتى بعد سقوط النظام ده هنفضل ندفع ثمن التشوّه اللي حصل في البلد دي سنين لقدام.
من صفحة Sanaa Seif (عن فايسبوك)