يمكن حصار وإغلاق مركز حقوقي وإعلان عدم قانونية وجوده يكون بيعني ضربة كبيرة ليه ولاستمراره.. لكن الحقيقة في حالة مركز النديم الفعل ده ملوش نفس الأثر بالظبط، لأنّ الدولة بتلعب مع الناس الغلط. الناس اللى أسست وبنت مركز النديم دول ناس مناضلين بجد وياما دفعوا أتمان طوعاً وبدون انتظار مقابل من أيِّ كان، والكلام ده من قبل ما يبقى فيه مركز النديم وأثناء ما في مركز النديم وبعد ما ميبقاش في مركز النديم، وفوق أي أرض وتحت أي سما وبرضاكم أو غصب عنكم وبقانونكم أو مش بقانونكم، لأنهم ببساطة مناضلين وأصحاب قضية فعلاً بالمعنى البسيط جداً للكلمة وبالمعنى القديم جداً للكلمة اللي إنتوا يمكن تكونوا نسيتوه (...)
#متضامن_مع_مركز_النديم
من صفحة Mohamed Naeem (عن فايسبوك)
