مش لاقي كلام يتقال فعلياً، عارفين يعني إيه بني آدم بقاله 224 يوماً (بتاريخ «7 سبتمبر 2014 «) مضرب عن الطعام؟ وبشكل كامل؟
وسط المدة المرعبة دي أضرب عن شرب المياه حوالي أسبوعين. وبعدها تمّ نقله إلى المستشفى فترة، ورجع للسجن بأمر من المحكمة عشان مَخَدُوش إذنها! ولمّا القاضي يأمر بنقله للمستشفى تمتنع إدارة السجن عن تنفيذ قرار القاضي! تخيل كل ده وهو عنده أمراض في الدم أساساً. عارف يعني إيه تبقى محبوس بقالك فوق الـ365 يوماً لمجرّد أن والدك من الإخوان؟
عارف إحسـاس أتنــين أصحابــه راحوا يزوروه لما الأمن جه وملاقش والده فشدهم جميعاً مــع محمــد، ودخلهم في قضيــة؟ تخيــل كــده أن إدارة الســجن بتقولك بصراحة أن عبد الله الشامي خرج فمحدش هيتكلم عنك؟ غير مفهوم
محمد سلطان ممكن يموت في أي لحظة، وهو يدفع ثمن حريته. خلينا على الأقل نقاوح ونعمل اللي في إيدينا على الرغم من أن اللي في إيدينا قليل فعلا! #جبنا_اخرنا #معركة_الأمعاء_الخاوية #نموت_لنحيا
من صفحة محمود سلماني على فايسبوك