مصر: نطلب معاملة آدمية!

زرت كريم طه في سجن الفيوم، ونسيت أحكي عشان طلعت مباشرة فور إعلان خبر الحكم بتاع الشورى.وصلنا إلى السجن الساعة التاسعة صباحاً ومشينا على 4 العصر، وكل ده في الانتظار، مع إن الزيارة نفسها خمس دقائق. الوضع سيئ جداً. حاطين كريم في زنزانة انفرادي، دواعي أمنية. تحت الأرض، لا كهرباء ولا نور الشمس، ومش بيطلع يشوف النور غير وقت الزيارة. منعوا دخول أيّ هدوم غير الغيارات، وطبعاً ممنوع الكتب أو أي حاجة لأنّه كدا كدا مش هيعرف يقرأ في الظلمة.
كانوا يعالجونه بالعافية عشان يخففوا من آثار التعذيب اللي تعرّض لها في وادي النطرون قبل ما يتمّ نقله إلى سجن الفيو.كريم قال لنا: هم يحاولوا يكسروني بس أنا متكسرتش.يطلب كريم حاجة بسيطة جداً، أن يتمّ نقله إلى زنزانة طبيعية، وأن المجلس القومي لحقوق الإنسان يزور سجن الفيوم.
 كريم طه ومحمد شريف وإمام فؤاد من معتقلي 25 يناير، تعرضوا للتعذيب في وادي النطرون. شريف وإمام أيضاً وضعهم سيئ.من فضلكم أتكلموا عنهم، أضغطوا على أعضاء المجلس القومي ليقوموا بزيارتهم.حتى لو مش هنعرف نخرّجهم دلوقتي، على الأقلّ نضمن لهم معاملة آدمية جوّا.
jan28 #الحرية_للجدعان

من صفحة سناء سيف على فايسبوك