ناصر العبد، مدير مباحث الإسكندرية، قال لنا: "نهايتكم على إيدي وهقفلكم دين أم المركز ده والباشا، خالد علي، اللي فاتحه".
ناصر العبد كان واقف وضباطه بيضربوا طاهر مختار، الطبيب، بظهر السلاح وبعدين طلعوا المركز وأخدوا ريهام حلمي وأربع شباب، وقفونا وشنا للحيط وفضلوا يشتمونا، وبعدين أخدنا ضابط الأمن المركزي وأتحرشوا بينا أنا وريهام وخرجونا بزفة شتيمة بشعة لغاية عربية الترحيلات بعد ما أخدوا شنطة ريهام وكل أوراقي والدوا بتاعي.
ناصر العبد كان واقفا لما إتلم خمسة على "طاهر مختار" ونزلوا فيه ضرب بالشلاليت وفي وجهه وبضهر السلاح قدّام عينينا وقدّام المركز بشكل بشع.
كنت بصرخ في ناصر العبد وهما واخدين طاهر وبقوله: "أنتوا بتعذبوه.. ده دكتور وعضو نقابة"، قالي: "دكتور ده عند أمك يا ... أمك".
من صفحة ايزيس خليل isis khalil على فايسبوك