في الوقت ده من كل سنة، في ذكرى الهزيمة، بنشوف كتير من النقاشات بتتحول لخناقات أو سخرية وإهانات وخلاص .. ده مش غرضنا هنا خالص، لكن المطلوب اننا نفهم من الماضي إيه اللي بيحصل في الحاضر، وعشان نتعلم إيه أسباب اللي حصل فنقدر نتجنبها للمستقبل.
عشان كده نعيد نشر سلسلة مقالات د.خالد فهمي أستاذ كرسي الدراسات العربية الحديثة بجامعة كامبريدج البريطانية، وسابقاً كان رئيس قسم التاريخ بالجامعة الأمريكية بالقاهرة، وله العديد من المؤلفات والأبحاث التاريخية.
تم إضافة مقالات جديدة اتكتبت بعد أول مجموعة.
بندعو دايما بشكل عام للقراءة وان كلنا نقرا في الكتب وندور بنفسنا، وفي السياق ده بنرشح الكتاب المهم "تشريح الهزيمة"، من تحرير الأستاذ خالد منصور، بالاشتراك مع عدة كتاب منهم أيضا الدكتور خالد فهمي، وتم نشره من دار المرايا سنة ٢٠١٧
**
د.خالد فهمي كان كتب مقدمة للمقالات لأعضاء الصفحة:
"كتبت هذه السلسلة من المقالات بمناسبة مرور ٥٠ سنة على هزيمة ٦٧، وقصدت تحديدا تقديم مادة شيقة وجديدة لجيل من القراء أعتقد انه شغوف بالتاريخ، مولع به، ولديه ريبة - أعتقد أنها صائبة - في كثير مما هو متاح عن الهزيمة.
وقد قصدت شيئين أساسيين من هذه المقالات.
الأول: أن أقدم سردية تاريخية تحترم القاريء، بأن تطرح عليه أسئلة وتحثه على التفكير فيها، أكثر من عرض تحليلات ورؤى وأفكار جاهزة عن هذا الحديث الجلل.
هزيمة 1967
02-06-2016
والثاني: هو توصيل رسالة للمسؤولين، أنه إذا كنتم نجحتم في حجب المعلومات عن تاريخنا، ومنعتونا من الوصول للوثائق المتعقلة بهذا الحدث الهام، كغيره من الأحداث المرتبطة في تاريخنا الحديث، فلن تتمكنوا من منعنا من التفكير النفدي وطرح الاسئلة الصعبة بناء على ما هو متوافر من مصادر ثانوية.
أما إذا لم يعجبهم ما أقول، فأدعوهم للإفراج عما في حوزتهم من وثائق حتى يستطيع من يختلف معي تقديم أفكار جديدة مبنية على وثائق أصلية."
**
الحلقة 1: الحشد التعبوي
https://bit.ly/2rizkh0
بيتكلم عن قرار الحشد العسكري على الحدود قبل الحرب، أسباب القرار، ومين اللي أمر بيه .. بيدقق في التفاصيل فنشوف ازاي الجنود كانو بيعانوا من ظروف صعبة، اتحشدوا عشوائياً فجأة بدون قدر كافي من وسائل النقل، أو التدريب، أو الملابس العسكرية، أو الأكل!
الحلقة 2: أسئلة الهزيمة
https://bit.ly/2qnvvIA
بيتكلم عن مرحلة استعراض الجيش قبل الحرب، وحقيقة كونه كان جيشاً ضخم بتسليح كبير، بما يثير الاستغراب من هزيمته، وبيناقش أشهر الروايات الشائعة عن أسباب الهزيمة.
الحلقة 3: حرب المعلومات
https://bit.ly/2qvx71K
الحلقة دي مخصصة لأوضاع المخابرات المتردية وقتها، زي إن سلاح الطيران كان عنده صور قديمة للأهداف من سنة 1948! ولدرجة ان المشير عبدالمنعم رياض اللي كان وقتها قائد جبهة الأردن عمل دوره وأرسل رسالة شفرية بمجرد رصده انطلاق طائرات اسرائيل لكن متمش الاستجابة ليها. ونقاش إيه سبب الوضع ده وايه أولويات المخابرات وقتها.
الحلقة 4: خمسة مشاهد على يومين
https://bit.ly/2ux7JNV
المقال بينقل عن شهادات تاريخية موثقة 5 مشاهد تفصيلية غريبة جاً حصلت في أسلوب ادارة الحرب، زي ان القادة ميبلغوش اللي تحتهم بمعلومات عن معاد الهجوم يوم 5 يونيو، وزي ازاي عبدالناصر طلب من عامر يذيعوا البيانات الكاذبة عن انتصارنا واسقاط طائرات العدو!
الحلقة 5: الخطة "قاهر" وحتمية هزيمة الجيش البري
https://bit.ly/2ttiJ9U
في الحلقة دي يناقش إمكانيات وأداء الجيش البري بعيد عن الطيران، ويقول إنه رغم ضخامة حجمه وتسليحه وحماس الجنود، إلا أن القيادة تسببت في أخطاء كارثية، زي تخبط في أوامر التحركات بشكل غريب جداً، وزي تغييرات كبيرة بالقيادات لضمان الثقة لدرجة تغيير كل قادة الفرق قبل الحرب مباشرة!
المقال 6: الخطة "فجر" الموءودة في الفجر
https://bit.ly/2tYnOJa
في الحلقة دي بيتناول دور الخلاف الكبير بين عبدالناصر وعبدالحكيم عامر في رؤيتهم للحرب، زي ان عبدالناصر مكانش عايز يسحب القوات الدولية يعني كان عايز يسيب مجال لعدم الحرب، وبنفسه شطب كلمة انسحاب واستبدلها باعادة توزيع، لكن عامر أرسل نسخة انجليزية مختلفة، وزي اختلافات في الخطط لدرجة إن القوات اتغير عليها 4 خطط خلال 20 يوم.
الحلقة 7: سرديتان عن الهزيمة
https://bit.ly/2vqGxwG
في الحلقة دي بيناقش فكرة تحميل عبدالحكيم عامر المسؤولية الكاملة عن الهزيمة، وبيوصل لأن الهزيمة كانت "هيكلية" بمعنى أنها تخص النظام كله مش شخص واحد، وبيناقش جوانب مسؤولية عبدالناصر، سواء بأسلوب الإدارة والحكم، أو بالتصعيد غير الطبيعي لصديقه عبدالحكيم عامر.
الحلقة 8: بحق الدم، تيران وصنافير مصرية
https://bit.ly/2vqm6zN
الحلقة دي مخصصة للتوثيق التاريخي لدور الجيش المصري في الدفاع عن جزيرتي تيران وصنافير وقت حرب 67، وانه كان فيه فصيلة مخصوصة فوق الجزيرة وحاربت لمدة ساعة بدون أي دعم، واستشهد منها 3 أفراد قبل ما يقع الباقين في الأسر.
الحلقتين 9 و10: الإعلام المصري في حرب يونيو
https://bit.ly/378tnIv
https://bit.ly/2ANPl7w
الحلقتين بيقدموا توثيق لنصوص البيانات العسكرية المذاعة، وقصة الأمر بإذاعتها.
الحلقة 12: الهزيمة والتعذيب والمحاكمات العسكرية للمدنيين
https://bit.ly/2zZSD7X
المقال ده مخصص لتوثيق ظهور مسألة محاكمة المتورطين في التعذيب من الأجهزة الأمنية لأول مرة، بإحالة وكيل المخابرات العامة للمحاكمة بتهمة تهذيب الدكتور عبدالمنعم عليش المعتقل السياسي.
وكمان مراجعة خضوع المدنيين للمحاكمات العسكرية، بعد ما ثبت الانحراف السياسي في استخدامها.
الحلقة 12: السردية الإسرائيلية
https://bit.ly/3dJKGSI
المقال مخصص لقراءة معمقة في تعامل المجتمع الإسرائيلي مع الحرب، وازاي كانوا فعلا خايفين من مصر واللي حصل كان أكبر بكتير من توقعاتهم، وبعضهم فسروا اللي حصل إنه نصر إلهي.
المقال بيتكلم أيضا عن "الأصوات الممنوعة" في إسرائيل اللي تتمثل في حركة تأريخ وشهادات جديدة عن جرائم الحرب والاحتلال.
الحلقة 13: عنب وبصل، عبدالحكيم عامر وقرار الإنسحاب
https://bit.ly/2untkYm
بيناقش تفاصيل قرار الانسحاب، مين اللي أخده؟ وليه كان بالشكل العشوائي ده؟ وليه انسحبنا من سيناء كلها مش لحد منطقة المضايق؟
وبيوصل لإنه مازال فيه نقاط غامضة لأنه مفيش أي وثائق رغم ان الجيش عنده "دار المحفوظات المركزية" اللي فيها كل الوثائق والتفاصيل، ومحجوبة عن كل المصريين رغم مرور أكتر من 50 سنة على الأحداث، وده عكس كل البلاد اللي بيتم فيها السماح بالوثائق التاريخية بعد فترة معينة لإنها ملك كل الشعب.
الحلقة 14: هزيمة الجيش المصري في حزيران 1967
https://bit.ly/2IiEGBV
ملخص لأبرز ما جاء في الحلقات السابقة في مقال واحد مطول نشرته مجلة “بدايات”.
الحلقة 15: فين سجلات الجيش بتاعة هزيمة يونيو؟
https://bit.ly/2JX6eQJ
مقارنة بين وضعنا وبين تجربة بريطانيا أثناء الحرب العالمية الأولى، لما تعرضت لهزيمتين قاسيتين في العام الأول من الحرب من العثمانيين في معركة “جاليبولي” وفي حصار الكوت. ورغم أن الحرب كانت مستمرة، وبعدها بريطانيا استعادت تقدمها وانتصرت، لكن تم التحقيق العلني، واستقال القادة المسؤولين عن الهزيمتين وللي كان منهم تشرشل نفسه.
الحلقة 16: حرب يونيو 1967 بعد نصف قرن
https://bit.ly/2wEejRK
حوار تلفزيوني مع د.خالد حول الموضوع.
