من ساعة ما رجعت من القافلة الطبيّة في سيوة وأنا مش قادرة أدخل أكتب أي حاجة على الفايسبوك ...
مش قادرة أتعامل مع الكلام لأني شفت بلد بحالها تعداد سكانها 30 ألف نسمة بلا مستشفى!!
مش قادرة أتعامل مع الكلام لأني شفت ستّات في سيوة حوامل معندهاش أي معلومات صحية، وعدم وجود دكاترة نسائيين تسبب في ارتفاع نسبة الأطفال المعوّقين والمصابين بأمراض مزمنة...
مش قادرة أفرح بأي حاجة لأني شفت معاناة ناس وعيشتها بنفسي!
مش قادرة أتعامل مع الكلام لأني شفت ستّ حامل فى السابع والممرضة اللي هناك مُصرّة إنها تولدها على الرغم من أنها في السابع.. على الرغم من أن دكاترة القافلة قالوا لا مش محتاجة تولد.. على الرغم من أن مفيش حضانات في سيوة يتحطّ فيها الطفل ده...على الرغم من أن أقرب مكان تولد فيه هايكون في مطروح يعني على بعد 350 كيلو!
والممرضة تقولي مش هاينفع تستنى إحنا عندنا مطبّات تولّد أي حدّ!
#سيوة_في_القلب #الممرضة_لازم_ترحل #السكوت_جريمة
#سيوة_مظلومة #الصحة_حق_مش_رفاهية #السيسي #محلب #وزير_الصحة #شركاء_بسكوتهم_في_الجريمة_في_حق_سيوة
من صفحة Viviane Zarif على فايسبوك