قررت استقطع كل يوم دقيقتين من يومي وأعمل "سيرش" على حاجه مليش بيها أي اهتمام إطلاقاً. أبحث على أكل القطط والكلاب أو خراطيش طبعة ألوان hp أو مواسير 6 بوصه وأي حاجه مش مهتم بيها إطلاقا، وأعمل مكالمة أتكلم فيها عن أسعار الفلل في جاكرتا ومدى شوقي وهوسي بهاردات ساتا 8 جيغا وادور على طقوس موت الهندوس في فاراناسي. كل ده عشان أخلق خلل في مصفوفات غوغل وفيسبوك في توزيعي على شرائح إعلانية مناسبة لشركات لعينة لا تستهدف سوى لسرقة دولاراتي العزيزة.. هيا فيسبوك أرني إعلانات مواسير 6 بوصه فلست سباك، أظهر لي أسعار الرحلات لفارناسي فأنا مسلم. هيا يا أغبياء الماركتينغ تيمز ادفعوا أموالكم لكي تظهر إعلاناتكم لأشخاص لا يكترثون بتاتا.
من صفحة محمد عيسى على فايسبوك