رقم الأسبوع هو 59 مليار دولار

من أيام قليلة نشرت صحيفة "نيويورك تايمز" تقرير عن مصر بعنوان "عاصمة جديدة تليق بمقام الفراعنة، ولكن بأي ثمن؟". في التقرير قدّرت "نيويورك تايمز" تكلفة إنشاء العاصمة الإدارية اللي الإنشاءات فيها شغالة تقريباً من 6 سنين، بـ 59 مليار دولار.
2022-10-13

شارك

* كتير بنشوف أرقام، الأرقام في النهاية هي لغة الاقتصاد، لما تيجي تتكلم مع حد في الاقتصاد بيقولك فين الأرقام اللي بتدعم كلامك ده.

* الأرقام دي هي مساحة دائمة للنقاش، مفيش رقم واحد بيديك مؤشر على أي حاجة، الاقتصاد شيء معقد وكل رقم فيه له دلالة بس لو نفس الرقم نسبناه لرقم تأني يديك دلالة تانية خالص.

* مفيش أرقام لوحدها كده، في أرقام جوه سياق مفهوم وشامل عشان نشوف المشكلة بشكل كامل، ودا الهدف الرئيسي من سلسلة "رقم في سياق".

* من أيام قليلة نشرت صحيفة نيويورك تايمز تقرير عن مصر بعنوان "عاصمة جديدة تليق بمقام الفراعنة، ولكن بأي ثمن؟". في التقرير قدرت نيويورك تايمز تكلفة إنشاء العاصمة الإدارية اللي الإنشاءات فيها شغالة تقريبا من 6 سنين بـ 59 مليار دولار.

* التكلفة التمويلية دي انتقدتها الصحيفة في ظل الظرف الاقتصادي الحالي، ومستندة لتقارير البنوك الدولية زي "جولدمان ساكس"، عن الصعوبات التمويلية أمام الحكومة.

* محدش يعرف تكلفة الاستثمارات اللي تم ضخها في العاصمة في السنوات الأخيرة كم بالظبط، الأرقام والتصريحات الموجودة من مسئولين في شركة العاصمة ومسئولين في الحكومة.

* كم فلوس تمّ ضخها من قبل القطاع الخاص؟ كم تمّ ضخه من قبل الحكومة؟ تكلفة الترفيق؟ بنسمع أرقام مختلفة ومتضاربة عن تكلفة العاصمة وتكلفة المشاريع اللي فيها.

مقالات ذات صلة

* أحمد ذكي عابدين الرئيس السابق لشركة العاصمة قال سابقا في 2020 أنه إجمالي الاستثمارات في المرحلة الأولى للعاصمة ما بين 700 - 800 مليار جنيه ( 45 مليار دولار بأسعار الصرف في 2020).

* رويترز كانت ذكرت في 2019 أن تكلفة إنشاء العاصمة تتخطى 58 مليار دولار بحسب التقديرات.

* الحكومة المصرية مصرّة على أن الأموال دي لا علاقة لها بالموازنة العامة، وأن كلها جاية من موارد ذاتية لشركة العاصمة اللي يمتلك "جهاز مشروعات الخدمة الوطنية" المملوك للجيش فيها 51 في المئة و"هيئة المجتمعات العمرانية" 49 في المئة.

* نظرة على تكاليف الحي الحكومي مثلا هنشوف أنها تزيد عن 60 مليار جنيه، الرئيس السيسي سابقاً قال إن شركة العاصمة هتأجر الحي الحكومي للوزارات بتكلفة تقارب 4 مليار جنيه سنوياً.

* لو شوفنا المشروعات الكبرى اللي تخدم العاصمة زي القطار السريع هنشوف أنه ممول من خلال قروض أخدتها "الهيئة القومية للأنفاق".

* محدش عارف على وجه الدقة كم كلفة ترفيق العاصمة، لكن المؤكد أنه بند الاستثمارات الخارج من الموازنة للهيئات الاقتصادية اللي مشتركة في مشروعات العاصمة تضخّم في السنوات الماضية.

* على سبيل المثال الاستثمارات الكلية في 2016 كانت حوالي 530 مليار جنيه، وتضاعفت في السنين اللاحقة عشان تبقى في أخر خطة تنمية حوالي 1400 مليار جنيه.

* استثمارات قطاع النقل زادت من 57 مليار جنيه في 2018 لـ 306 مليار جنيه في 2022، كذلك استثمارات قطاع التنمية العمرانية اللي فيها التشييد والبناء والعقارات والصرف الصحي كانت في 2018 في حدود 147 مليار جنيه، دلوقتي حوالي 400 مليار جنية.

***

النمو الكبير ده وتركز الاستثمارات في القطاع الحكومي بيقول أنه في فلوس كتير تمّ استثمارها من الحكومة والهيئات الاقتصادية العامة على العاصمة الجديدة والمشروعات اللي بتخدم العاصمة.  

مقالات من العالم العربي

لطخة تلوث بلد الحضارات

فؤاد الحسن 2024-03-24

قررت وزارة الهجرة والمهجرين العراقية تحديد 30 حزيران/ يونيو من العام 2024 موعداً نهائياً لإغلاق مخيمات النازحين في إقليم كردستان، والتي يبلغ عددها 24 مخيماً، يسكنها نازحون من مناطق مختلفة،...

الصحة تقلص العلاج المجاني إلى 25% في مستشفيات الفقراء

2024-03-21

أصدرت وزارة الصحة المصرية لائحة جديدة للمستشفيات والوحدات الصحية الحكومية، تتضمن إعادة تسعير الخدمات الصحية التي تقدمها المنشآت الصحية الحكومية التابعة للوزارتين، باستثناء التطعيمات الإجبارية للأطفال والطوارئ ومبادرات الصحة العامة...